[center]عايز تموت شهيد......؟ يا تركب طيارة..... يا تركب عبارة
عايز تموت من الجوع.......؟ يا تشترى شقة .... يا تشترى عربية بالتقسيط
عايز تموت من الحسرة.......؟ يا تتفرج على الفاترينانات فى سان استيفانو او فى سيتى ستارز
يا تروح زيارة لمارينا
عايز تموت من الغيظ.......؟ يا تتفرج على القنوات المحلية .... يا تتفرج على النشرة الجويه
عايز تموت من الزهق.......؟ يا تستنى الاشارة لما تفتح.... يا تستنى دورك فى طابور التامين الصحى
عاوز تموت من الهبل.......؟ يا تخش على النت.... يا تسمع نجوم اف ام
عايز تموت مخنوق....... يا تروح مصلحة حكومية....يا تقرا الجريدة اليوميه
عايز تموت مفرووووووووووووس.......؟ يا تركب تاكسى....يا تركب دش
عايز تموت مرعووووب.......؟ يا تستنى نتيجة الثانوية العامة.... يا تستنى نتيجة التحاليل من عند الدكتور
عايز تموت من مشهور.......؟ يا تتجوز رقاصة.... يا تنصب على بنك
عايز تموت مليونير.......؟ يا تصور فيديو كليب .... يا تلعب كورة
عايز تموت ورا الشمس.......؟ يا تفتح مخك .... يا تفتح بؤك
عايز تموت من الحزن.......؟ يا تفكر دايما فى احوالك .... يا تحط الحكومة فى بالك
عايز تموت من الضحك.......؟ يا تتجوز اثنين .... يا تشتغل مع مجانين
عايز تموت فى حالك.......؟ اعمل نفسك دايما مش واخد بالك
