ملتقي طلاب قسم الاعلام جامعة المنيا

اعلاميون بلا حدود نحو مستقبل افضل وافضل
 
الرئيسيةالتسجيلدخول


شاطر | 
 

 ولد وبنت فى ميكروباص

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نور احمد
اعلامي مبتدئ
اعلامي مبتدئ
avatar

عدد الرسائل : 35
العمر : 28
تاريخ التسجيل : 14/10/2009

مُساهمةموضوع: ولد وبنت فى ميكروباص   الأربعاء 01 سبتمبر 2010, 11:35 pm

[font=Arial Black][حقيقه ان الميكروباصات بنشوف فيها كتير وبنسمع اكتر لكن
وكالعاده لازم نعمل مقارنه الواد والبت كل حاجه ومنهم

نمره واحد


وانت بتوقف الميكروباص وياسلام لو مافيش مكان


لو انت بنت يادوب تبصي بس بصة استعطاف لأي واحد قاعد
هايقوم ينط يقعد في ضهر السواق عشان تعدي


انما بقا لو انت ولد شوفلك اي حتة اترزع فيها او انشالله
تتشعلق مانتا اساسا مالكش أهل يخافو عليك


ثاني حاجة


طبعا وانتا طالع كتير مننا ممكن يخبط راسه في الباب


طبعا لو كنتي بنت هاتلاقي اللي بيقولك خير حصلك حاجة ؟؟؟
من كل الركاب وممكن طبعا تلاقي اللي ممكن يقوم يضرب السواق


انما بقا لو كنت ولد... اسمع بقا اللي يضحك عليك واللي يقولك
ايه اتعميت ؟؟ .. يا لطخ تستاهل شوف كنت بتبص فين

تالت حاجة


وانت بتقفل الباب وطبعا السواق بيقولك اقفله بالراحه على
اساس انه هايتكسر في اديك مانتا بقا رامبو اللى نايم على جمبو



طبعا لو كنتي بنت وبتقفلي بالراحه خالص وممكن الباب
مايتقفلش يقولو شوفو الرقة حتى الباب مش هاين عليها
تخبطه بالجامد


وياعيني عليك لو كنت ولد والباب ماتقفلش
ايه ياعم النايتي مش قادر تقفل الباب اتفو على دا جيل

.... ولو قفلت الباب بالجامد


لو كنتي بنت طبعا هايقولو معلش اكيد متعصبة شوية
ربنا يعينها على اللي هيا فيه


انما لو كنت ولد : ايه دا خلاص ياعم عرفنا انك فان دام بس بالراحه ع أم الباب


رابع حاجة


طبعا ممكن يجيلك فون ( فووون هااا ) وانت قاعد في الميكروباص


لو انتي بنت وانتي بتقولي الو ياسلااااام الله يا جماعه على
صوتها شوفوالرقة يابخته المحظوظ ابن المحظوظه اللي
بيكلمك ولو معاها موبايل معفن .... ياسلام ع التواضع


انما بقا لو كنت ولد الهي يجيلك ضربة انت واللي بيرنلك
دلوقتي وطي ياعم ام صوتك صرعتنا والله عرفنا
انك معاك زفت موبايل

ولو الموبايل معفن .. وكمان بتتعايق بموبايل معفن
امال لو كان موبايل عدل شوية كنت عملت ايه


نمرة خمسة


لو انتا طالع والسواق مشغل اغنية بيئة ومعلي الصوت
وانت عايز تتكلم في الموبايل



طبعا لو انتي بنت القانون بيديكي الحق الكامل انك تقوليله
وطي الكاسيت او اطفيه ( قانون ساكسونيا طبعا )



انما لو ولد هاتلاقي السواق من غير ما يرد عليك يادوب يبصلك
بصة بقرف ويلف وشه تاني ويعلي الصوت كمان ويفضل
يبرطم بقي : انت هاتشترينا بأم النص جنيه اللي هاتدفعه



سادس حاجة


طبعا انتا وصلت الحمد لله بعد القهر والتفرقه العنصرية اللي
اتعرضت ليه طول الطريق عايز تنزل بتقول للسواق على جنب
وطبعا لايمكن هايسمعك ماهو مشغل الاغاني ومعلي الصوت
على اخره


طبعا لو انت ولد هتقول مرة واتنين وعشرة وينزلك بعد الحته
اللي انتا عايز تنزل عندها بشارعين تلاته وطبعا هايقولك
ماسمعتكش مانتا اللي صوتك واطي زي البنات



انما بقا البنت يادوب كل اللي هاتعمله انها توشوش نفسها على
جنب وكأنها بتكلم نفسها هاتلاقي بقيت الاربعتاشر نفر اللي
قاعدين في الميكروباص بصوت واحد بيقولو للسواق على
جنب ..... اييييه انت اطرش ؟؟؟/font]
الرجوع الى أعلى الصفحة اذهب الى الأسفل
camba.
اعلامي مبتدئ
اعلامي مبتدئ
avatar

عدد الرسائل : 28
العمر : 26
تاريخ التسجيل : 27/08/2010

مُساهمةموضوع: رد: ولد وبنت فى ميكروباص   الخميس 02 سبتمبر 2010, 12:16 am

اه والله عندك حق
بس مش كل الاولاد بتسكت لما يتقالها كده
بعد كده لو اتقال كده بيبقى فى كلام تانى خالص
الرجوع الى أعلى الصفحة اذهب الى الأسفل
لانا
إعلامي متقدم
إعلامي متقدم
avatar

عدد الرسائل : 139
العمر : 26
تاريخ التسجيل : 01/07/2010

مُساهمةموضوع: رد: ولد وبنت فى ميكروباص   الخميس 02 سبتمبر 2010, 7:10 pm

توتوتوتوتوتوتوتوتو


نور يا قمر اية يابنتى انتى كدة بتقومى النفوس عالينا

هادى يابنتى وبعدين نفسى اعرف اى ميكروباص بالظبط اللى بيعمل كدة انتى يابنتى متاكدة انة ف المنيا

ههههههههههههههههه


تقبلى مرورى يا عمرى

الرجوع الى أعلى الصفحة اذهب الى الأسفل
نور احمد
اعلامي مبتدئ
اعلامي مبتدئ
avatar

عدد الرسائل : 35
العمر : 28
تاريخ التسجيل : 14/10/2009

مُساهمةموضوع: رد: ولد وبنت فى ميكروباص   الجمعة 03 سبتمبر 2010, 11:44 am

ميرسى لكومبا اكيد فى كتير مبيسكتوش انا معاكى
ومتشكرى يا لانا جدا يا قمر
ومتقلقيش القانون فى صفنا دلوقتى
الرجوع الى أعلى الصفحة اذهب الى الأسفل
camba.
اعلامي مبتدئ
اعلامي مبتدئ
avatar

عدد الرسائل : 28
العمر : 26
تاريخ التسجيل : 27/08/2010

مُساهمةموضوع: رد: ولد وبنت فى ميكروباص   الجمعة 03 سبتمبر 2010, 9:49 pm

كومبو وانتى ماشى يا ست الحاجه مش مهم
الرجوع الى أعلى الصفحة اذهب الى الأسفل
 
ولد وبنت فى ميكروباص
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقي طلاب قسم الاعلام جامعة المنيا :: واحة اعلام الاجتماعية :: انا واعلام وهواك-
انتقل الى: