ملتقي طلاب قسم الاعلام جامعة المنيا

اعلاميون بلا حدود نحو مستقبل افضل وافضل
 
الرئيسيةالتسجيلدخول


شاطر | 
 

 انواع الحب عند البنات

اذهب الى الأسفل 
كاتب الموضوعرسالة
عمرو
اعلامي مبتدئ
اعلامي مبتدئ
avatar

عدد الرسائل : 88
العمر : 26
تاريخ التسجيل : 15/06/2009

مُساهمةموضوع: انواع الحب عند البنات   الإثنين 06 يوليو 2009, 5:06 am

البنات والحب
حبك عادى ولا مصالح

الحكايه ديه لسة مستمرة ولسة فيها تفاصيل كتيرة ياريت نقدر نوفيها حقها
تبدأ الحكاية من عند كلمة(عايزة احب زى كل البنات)وتخلص عند كلمة تانية قريبة(هوا ده الحب اللى بيقولوا عليه)

وكل بنت فى الدنيا وليها طريقتها فى الحب(ساعات تلاقيها دايبة وغرقانة) وساعات تلاقيها(ولا فى دماغها الحكاية)كلها مصلحة او تضييع وقت

ودلوقتى هاعرض معاكوا انواع البنات فى الحب واللى تلاقى نفسها فى الحب من الانواع اللى انا هاعرضها يا ريت تقول وبكل صراحة

يلا بينا بقى نبدأ الموضوع

النوع الاول

هو حب المصالح وده طبعا معروف يعنى باختصار الحب اللى اخره(بى أم)ومرسيدس وشوية الماظات وحاجات كده من بتاعة (على بابا)والمغارة الى مليانة دهب وياقوت.

النوع الثانى

هو حب الصداقة.. والمعروف فى اوساط الجامعة يعنى يفضلوا اصحاب وكلوا تمام ولما يجيي يقولها بحبك تقوله(خلينا اصحاب احسن)

النوع الثالث

هو حب الفضا.. والمعروف بتضييع الوقت والمثل المشهور فيه (لا بحبك ولا بقدر على بعدك) يعنى مش عارفة بتحبه ولا مش بتحبه؟؟ الحكاية كلها بتبقى مرتاحة وهى معاه وبتضحك وتخرج وتتفسح انما ساعة الجد بتخلع

النوع الرابع

هو حب المظاهر.. وده اللى بتلاقيه فى حياة بنت عايزة تحب وخلاص؛ اسمها بتحب والسلام؛ خارجة ورايحة وجاية ومفيش مانع من شوية هدايا وتليفونات بالليل انما فى الاخر مش مقررة هيا عايزة ايه بالظبط

_ عندنا كمان نوع منتشر جدا من الحب والمعروف بحب(التوريطة) يعنى من الاخر لقت نفسها متورطة فى علاقة اتطورت بعد شوية ووصلت لدرجة الحب ومش عارفة تخلع المرة دى

_ كمان فى حب احتياطى او بلغة انابيب البوتاجاز حب (استبن) يعنى ما حدش يضمن الدنيا هيحصل فيها ايه لازم يكون فيه واحد مستعد يتقدم وقت اللزوم ويحل المشاكل اللى ممكن تحصل لو اللى بتحبه خلع (ويفضل صاحبنا مستنى وهو وحظه)

_ وفيه برضو نوع موجود والناس بتعرفه بأسم (حب قلابى) وده اللى ممكن يحصل بسهولة فى اوقات الزهق والملل من الحياة يعنى (علاقة عابرة مرتبطة بحالة معينة تخلص الحالة يخلص الحب)

_ كمان فيه حب نص العمر وده يبقى (حب حقيقى) كله حنان وعشق واخلاص بس نهايته مش سعيدة تخلص بسبب الظروف الصعبة ويفضل فى القلب طول العمر

ودلوقتى نوصل لاخر نوع من انواع الحب

_ وهو حب (العمر كله) وده طبعا اهم حب فى الدنيا الحب اللى بيفضل ويدوم ويكبر ويستمر لحد اخر نفس فى الحياة .... بنات كتير نفسها فى الحب ده طبعا وممكن تكون كل الانواع اللى فاتت محاولة للوصول للنوع ده من الحب

بس فى ناس كتير اوى بتعيش وتموت من غير ما تلقى الحب ده

الى اللقاء... ويارب يعجبكم
الرجوع الى أعلى الصفحة اذهب الى الأسفل
sweety banota
إعلامي متقدم
إعلامي متقدم
avatar

عدد الرسائل : 270
العمر : 26
تاريخ التسجيل : 23/06/2009

مُساهمةموضوع: رد: انواع الحب عند البنات   الإثنين 06 يوليو 2009, 12:23 pm

موضوع بجد جامد
وبتتكلم فيه صح جدا
ويارب كل بنت وكل شاب يلاقوا الحب اللي بجد واللي يعيش
بس انا عندي ملحوظه صغيره

الحب ما يتقالش غير على الحب اللي بجد اما باقي الانواع اللي انت قلت عليهم ده مش اسمه حب خالص
الرجوع الى أعلى الصفحة اذهب الى الأسفل
ezat637
مشرف عام
مشرف عام
avatar

عدد الرسائل : 1022
العمر : 28
تاريخ التسجيل : 23/04/2009

مُساهمةموضوع: رد: انواع الحب عند البنات   الإثنين 06 يوليو 2009, 3:15 pm

الله عليك يا عمرو


نايس توبك

حلو حب المصالح ده بيكسب فى الاول بس

اما حب العمر
ده نادر قوى لما بيحصل الايام دى


ده كان ايام ام كلثوم وعبد الحليم


لكن الشات والموبيل خلوا الحب يبدا بسرعه جدا وينتهى بسرعه اكتر من ما ابتدى

*****************************




النفس تبكي على الدنيا وقد علمت ... ان السعادة فيها ترك ما فيها
لادار للمرء بعد الموت يسكنها ... الا التي كان قبل الموت بانيها
فأن بناها بخير طاب مسكنه ... وإن بناها بشر خاب بانيها
الرجوع الى أعلى الصفحة اذهب الى الأسفل
abo.aly
مشرف
مشرف
avatar

عدد الرسائل : 547
العمر : 29
تاريخ التسجيل : 21/05/2009

مُساهمةموضوع: رد: انواع الحب عند البنات   الإثنين 06 يوليو 2009, 8:55 pm

حب (العمر كله) وده طبعا اهم حب فى الدنيا الحب اللى بيفضل ويدوم ويكبر
ويستمر لحد اخر نفس فى الحياة .... بنات كتير نفسها فى الحب ده طبعا وممكن
تكون كل الانواع اللى فاتت محاولة للوصول للنوع ده من الحب


بس فى ناس كتير اوى بتعيش وتموت من غير ما تلقى الحب ده


يا جامد

*****************************
الرجوع الى أعلى الصفحة اذهب الى الأسفل
عمرو
اعلامي مبتدئ
اعلامي مبتدئ
avatar

عدد الرسائل : 88
العمر : 26
تاريخ التسجيل : 15/06/2009

مُساهمةموضوع: رد: انواع الحب عند البنات   الثلاثاء 07 يوليو 2009, 3:20 pm

شكرا لمرورك يا شقية
الرجوع الى أعلى الصفحة اذهب الى الأسفل
عمرو
اعلامي مبتدئ
اعلامي مبتدئ
avatar

عدد الرسائل : 88
العمر : 26
تاريخ التسجيل : 15/06/2009

مُساهمةموضوع: رد: انواع الحب عند البنات   الثلاثاء 07 يوليو 2009, 3:21 pm

شكرا لتعليقك ياعزت ياصاحبي
الرجوع الى أعلى الصفحة اذهب الى الأسفل
الزملكاوية
اعلامي محترف
اعلامي محترف
avatar

عدد الرسائل : 372
العمر : 29
تاريخ التسجيل : 13/04/2009

مُساهمةموضوع: رد: انواع الحب عند البنات   الأحد 19 يوليو 2009, 1:00 pm

اختلف لتفسيرك لانواع الحب عند البنات
يعنى ايه مصالح وشوية تقول واحد استنبن
انا مختلفة معاك تماما
اعتقد ان ده اسمه الحب عند الاولاد
هما اللى بيبقو كدة
لكن كل كلامك ده انا غير مقتنعة بيه تماما

*****************************

الرجوع الى أعلى الصفحة اذهب الى الأسفل
منه
مشرف محترف
مشرف محترف
avatar

عدد الرسائل : 953
العمر : 28
تاريخ التسجيل : 13/07/2009

مُساهمةموضوع: رد: انواع الحب عند البنات   الأحد 19 يوليو 2009, 1:03 pm

طبعا كل الانواع لاتعتبر حب لان الحب اسمى معانى الحياة
بينما الحب هتا هو حب العمر كله
الرجوع الى أعلى الصفحة اذهب الى الأسفل
 
انواع الحب عند البنات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقي طلاب قسم الاعلام جامعة المنيا :: واحة اعلام الاجتماعية :: حواء اعلام-
انتقل الى: