حكاية تحير اوى
بعد ما تقرو حكاية صحبنا عايزة اعرف راى كل واحد ولو مكانه هيعمل ايه....
دة محتار اوى يا عينى بين حاجتين
يشترى هدية لحبيبتة ولا يجيب كتاب المادة بتاعتة
يالا بينا نشوف حصل ايييييييييييييييه
عيد ميلاد حبيبتى قرب
وامتحان الترم قرب
لو مكانى تعمل ايه؟
تشترى هدية لحبيبتك؟
واللا .. تشترى كتاب الاجتماع؟
صاحبى قالى : مش هتنفعنى حبيبتى لو هاعيد علشان خاطرها
قلتله: لو هازعّل يوم حبيبتى مش هلاقى حبيبة غيرها
يعنى ايه كام ألف نجحوا .. عملوا إيه
ع القهاوى ملقّحين
امتياز مقبول وجيد
زى بعض مشرّفين
والدكاترة ف كل عام
باعوا كل المطبوعات
واحنا خدنا منهم ايه .. غير شوية معلومات
بكرة هتطير من دماغنا
ويا دخان السجاير ع القهاوى
ويا مانشيت الجريدة
ويّا تصريح الوزير
شوف يا صاحبى
هاشترى هدية لحبيبتى
واللى يتبقى معايا
ابقى اجيب بيه الملخص
واضربه ف اخر يومين
ايه هيحصل لو سقطت؟
يبقى زاد عمرى سنة
والسنة الجاية هتسقط هى وترد الجميل
والقهاوى مش بعيده
يكرة هتخرّج والاقى
كرسى ع القهوة الجديدة
اللى كل يوم بتفتح
حاجة ساقعة لخريجين
ودّعوا الحب ف حياتهم
وابتدوا مشوار حزين
يا ريت اعرف ردكو
ههههههههههههه وتقبلى مرورى