انا و اعلام وهواك كل اسبوع حلقة مع ((ميمو المصري))

بسم الله الرحمن الرحيم
اولا الموضوع ده
زي برنامج اسامة منير
كل اسبوع موضوع
نتكلم في عن كل موضيع الخاصة بالحب
وانا مستني رد كل واحد فيكم
وان شاء الله
اول موضوع هنعمله بعد الموفقه عليه
هو
انا و اعلام وهواك كل اسبوع حلقة مع ((ميمو المصري)) 12

" ماذا تفعل لو تجاهلك من تحب وهو يحبك "
انا و اعلام وهواك كل اسبوع حلقة مع ((ميمو المصري)) 12

الموضوع هيكون تحت اشراف
(((((ميمو المصري))))))
(((((احمد ناجي)))))

تحياتي

اول حلقة

وهي بعنوان

" ماذا تفعل لو تجاهلك من تحب وهو يحبك "

وللتوضيح اكتر هتعمل اية او تعملي اية

اذا تجاهلك من تحب وعلي الرغم من انك تعرف انه يحبك

مثال بسيط

انت مثلا بتحب وفأجاة تغيب عنك من تحب

تحاول العثور عليها والاتصال بها

وتوضح لها انه مينفعش اننا نتجاهل بعض

طالما احنا اختارنا بعض

وانت تثق انها تحبك وهي تثق انك تحبها

ويكون التجاهل تحت مسمي الدلع

يعني تقولك انا بدلع عليك بلاش ادلع

اريد رأي الجميع في هذا الموضوع والتوضيح كيفية التعامل معها

الموضوع للنقاش

تحياتي

ميمو المصري

الاول اشكرك على الفكرة واتمنالك المزيد
ثانيا معتقدش انه اتنين بيحبو بعض يكون فى ما بينهم حاجة زى كدة ازاى يعنى مردش وفى الاخر يكون دلع دة يبقة استهتار باللى بحبه
وبعدين حاجة صعبة لما تحس بالاهمال من حبيبك وانك مش فارق معاه
وممكن تكون محتاجله وعاوز تتكلم معاه وهو ولا هنا فبالتالى هتدور على حد يهتم بيك اكتر منه ويحس بيك اكتر

اوافقك الرديا زمالكويه
بيب..بيب زمالك

الزملكاوية كتب:

الاول اشكرك على الفكرة واتمنالك المزيد
ثانيا معتقدش انه اتنين بيحبو بعض يكون فى ما بينهم حاجة زى كدة ازاى يعنى مردش وفى الاخر يكون دلع دة يبقة استهتار باللى بحبه
وبعدين حاجة صعبة لما تحس بالاهمال من حبيبك وانك مش فارق معاه
وممكن تكون محتاجله وعاوز تتكلم معاه وهو ولا هنا فبالتالى هتدور على حد يهتم بيك اكتر منه ويحس بيك اكتر

شكرا لمرورك يا زملكاوية
عاوزين نشوف اراء باقي الاعضاء
ولا نشيل الموضوع خالص

الكلام ده يرجع لصدق الاحساس بين الطرفين
والدلع ده مش هيفسر تجاهل او استهتار
اذا كانت الثقه متبادله والتفتاهم موجود بينهما
والا يبقي الاختيار خطأ
والتجاهل يكون خطوه في طريق البعد

بصراحة انا مع راى احمد

الدلع حاجة والاستهتار حاجة تانى خلاص

وانا لو كنت فى الوضوع دة

ازاى هثق انة بيحبنى وهو متجاهلنى

مينفعش دليل الحب انة يكون مهتم بيكى

لو انت كنت بتحب يا ميمو وهى مش حاسة بيكك

فكر انت هتعمل اية عشان تعرفها

اظن هتهتم بيها عشان تحس

مفيش حاجة اسمها تجاهل فى الحب

ممكت نحطها تحت اسم مشغول

اما تجاهل كلمة كبيرة قوى

شكرا يا بطه على ردك
وسعيد جدا لمروووووووووورك

وعلى فكرة الحمد لله انا مش بتجاهل حد

ولا حد بيتجاهلني بس انا باخد اراكم في المشاكل اللي ممكن تواجه اي اتنين بيحبو بعض

الموضوع ده مش بس هيكون للي عنده مشكلة في الحب

او اللي بيحبوا بس

لا كمان للي عنده اى رائي يحب يقوله

اللي شايف موضوع يتناقش يطرحه

واللي ليه رائي في حاجة بتحصل او موقف او حاجة متوقعة

يشرفنا بطرحها وينقاشها ونتكلم فيها

يعني من الاخر الموضوع فضفضة من القلب

ويلا عايزة اسمع كلام القلوب يا احلى اعضاء

مع احترام لوجه نظركم وانا معاكم فيه بس في حاج اسمها

تقل

والتقل صنعة زي ما بيقولوا

وشكرا لمروركم

اتمنى اكثر فاعلية من الاعضاء

كلام جميل
بس علي فكرة اللي يحب مبيبقاش عنده احساس بالتجاهل ناحية اللي بيحبه ولا مشغول لو كان ( متجاهل او مشغول) يبقي نشيل كلمة حب خالص من موضوعنا ونتكلم في حاجة تانية
عشان انا عندي الحب امتلااااااااااااااااااااااااااااااااااااااااااااااااااااااااااااااااااااااااااااااااك
شوفتوا قد ايه انا كاتب كلمة امتلاك ياريت تعبر عن اللي جوايا بمعني الكلمة
عشان اللي بيحب مبيحبش يشوف اي تجاهل او تنفيض من اللي بيحب بالعكس بيبقي عاوز ان اللي بيحبه ميشفش حد غيره في الدنيا
وعلي فكرة هو ده الصح
اللي يحب يا يحب بجد يا يسكت قلوب الناس مش لعبة وعلي فكرة ممكن قصة حب واحدة في حياة انسان تغير حياته كلها سواء فشلت او نجحت
بمعني اصح تفرق معاه جامد
وسؤال للاخت بطة لو كان بيحب واللي بيحبها بيموت فيها وعنده استعداد يموت نفسه عشانها وهي عارفة وبتحبه جامد برده بس مش زيه ممكن اه تتصل بيه وتقولوا بحبك ويتقابلوا وكل حاجة بس لما يحس ناحيتها انها مش هو اللي في البال يبقي معلش متستاهلوش
ركزي انا بقولك بتحبه جامد
بس سوري بجد دي متستاهلوش عشان انا لما احب يا احب واحدة تحبني بنفس الدرجة اللي انا بحبها بيها يا اما بلاش
ده راي شخصي علي فكرة
بس انا شايف انه قرار سليم (انك تحب حد بيحبك بنفس الدرجة) لحل مشاكل كتير بعد كدا
عشان ولا يبقي في (تجاهل ولا مشغول)
تقبلوا مروري

بس علي فكرة اللي يحب مبيبقاش عنده احساس بالتجاهل ناحية اللي بيحبه ولا مشغول لو كان ( متجاهل او مشغول) يبقي نشيل كلمة حب خالص من موضوعنا ونتكلم في حاجة تانية
عشان انا عندي الحب امتلااااااااااااااااااااااااااااااااااااااااااااااااااااااااااااااااااااااااااااااااك
شوفتوا قد ايه انا كاتب كلمة امتلاك ياريت تعبر عن اللي جوايا بمعني الكلمة
عشان اللي بيحب مبيحبش يشوف اي تجاهل او تنفيض من اللي بيحب بالعكس بيبقي عاوز ان اللي بيحبه ميشفش حد غيره في الدنيا
وعلي فكرة هو ده الصح
تقبلوا مرورى

انا معاك يا قلبى
ومفيش كلام اقوله غير اللى قولته

السلام عليكم ورحمة الله وبركاته

بكل الحب هنتكلم عن الحب
بكل الحب هناقش كل قضايا الحب

موضوع حلقتنا

عن شيء مهم جدا في حياة كل انسان
على وجه الارض
الموضع ده بياثر على كل اتنين مرتبطين ببعض
ايا كانت علاقتهم
علاقة عاطفية
خطوبة
جواز

حلقتنا النهارده

عن

الخصوصية بين المحبين

في مجتمع الذكور الناس تقول من حقي مساحة من الخصوصية و البنت لاء
من حقي افتش وراها واعرف كل حاجة
وتقلي على كل حاجة تحصلها او حتى تفكر فيها
انما انا فاحنا رجالة لينا مساحتنا محدش يقرب منها

هنا في اسئلة كتير بتطرح نفسها

هل مساحة الخصوصية عندالرجل تختلف عنها عند المرءة
هل تقبل ان يكون لها خصوصية وانت لاء او العكس
هل توافق ان يكون لكل منكم مساحة من الخصوصية
هل الثقة بتعطي مساحة من الخصوصية
هل عدم الخصوصي بيضيع المساحة دي

منتظرين اراكم مشاركتكم

امير مملكة الغرام

(( ** مــــــــيـــــــمــــــــو ** ))

ياميمو ده بيكون حسب درجه الحب بين الطرفين ياعنى الى بيحبوا بعد بجد المفروض مايكونش بينهم اى حد من الخصوصيه
اما فى الزمان ده الى ضاع فيه الحب نلاقى كل واحد بيحتفظ بدرجه كبيره من الخصوصيه لنفسه وما حدش بيصارح لحد خا لص

انا و اعلام وهواك كل اسبوع حلقة مع ((ميمو المصري)) Storm_12

انا و اعلام وهواك كل اسبوع حلقة مع ((ميمو المصري)) Storm_12

شكرا يا عزت على الردك ومرورك ولنا هعلق على الرد ده بس بعد ما الناس تقول رايها

اكيد طبعا كل واحد فينا عنده حياته الشخصية
وليه اسراره وخصوصياته مش معنى اننى بحب واحد
يبقة ممكن يعرف كل حاجة عنى فى حياتى
لازم واكيد اى انسان فى اسرار مخبيها ومحتفظ بيها لنفسه بس
يعنى لازم منكونش كتاب مفتوح للى بنرتبط بيه
لانه بعد كدة هتيجى المشاكل والندم على انك فتحت حياتك لحبيبك
وممكن فى لحظة زعل يعاتبك ويفتكرهالك وممكن يكون من النوع اللى مبيسامحش
وبعد كدة هيجى الشك وعدم الثقة
واحب ارد على الاخ عزت واقوله
مش معنى انك تحافظ على حاجة خاصة بيك يبقة مفيش حب
الحب حاجة والخصوصية حاجة تانى بس احنا هنا ربطنا بينهم
وبعدين بالعكس انت لما تكون محافظ على السر ده
معناه انك بتحب بجد وخايف حبيبك يعرف ويبعد عنك لو عرف انت مخبى عليه ايه؟
الخصوصية مش معناها ضياع الحب!
بل هتحافظ على استمراره!

اولا شكرا على تعليقك الجميل
بس انا ماذلت عند راى الى بيحب مفيش بينه وبين الى بيحبه اى خصوصيه لان هما المفروض يكونوا روح وحده عمرك سمعتى عن روح بتخبى على نفسها حاجه اوبتحتفظ بقدر ولو بسيط من الخصوصيه على نفسها ؟
انا و اعلام وهواك كل اسبوع حلقة مع ((ميمو المصري)) Abotamersa8

انا و اعلام وهواك كل اسبوع حلقة مع ((ميمو المصري)) Abotamersa8

انا هرد على ناجى الاول معلش انى اتاخرت عليك فى الرد

ازاى بتقول بتحبة وهو مش فى بالها وازاى بتحبة جامد وهى مبتفكرش فية

يبقى هى من الاول مش بتحبة

وبعدين فى حاجة تانى ممكن تكون البنت بتحب اكتر من الولد بس متكسف تبوح بمشاعرها

او مش بتعرف تعبر بالجواها

وبعدين وضوح اكتر تقصد اية حب امتلااااااااااااااااااااااااااااااااااااااااااااااااااااااااااك

عشان مش عاوزة اعارضك فى حاجة انت مش قصدها

اوك

اما ردى بقة على ميمو

الخصوصية بتختلف من شخص الى اخر

يعنى اتنين يحبوا بعض فعلان

بس الاسف مينفعش نقولة على حاجة اى سبب من الاسباب

ممكن يتكلم فى الموضوع دة كتير ممكن يقولة اهلة اية مشكلة يجب اللى فات والى جاى

يبقى كدة مش هنخلص

وكدة هو بيخلينا نخبى علية

وفى شخص تانى على النفيض مجرد ما تتناقشوا فى اى حاجة خلاص مش بيتكلم فيها تانى

هو دة الشخص اللى ممكن انى احنا نصراحة بكل حاجة

من راى انى احنا نفهم الشخص الى قدامنا الاول

BATTA كتب:

اولا شكرا لمورك يا بطة
ثانينا انا بتكلم في الخصوصية بين المحبين
انتي في رايك انه المفروض يبقي لكل واحد من الاتنين خصوصية يعني مش كل واحد يقول للتاني على كل حاجة

بسم الله الرحمن الرحيم

بكل الحب هنتكلم عن الحب
بكل الحب هناقش كل قضايا الحب
معكم يوم الاربعاء من كل اسبوع

امــــيـــــر الــــغــــرام
(( * مــيـــمــو * ))

والنهارده زي ما وعدناكم
بنقدم لكم
الحلقة الثالثة
من
انا وحلوان وهواك

حلقتنا النهارده
حلقة مفتوحة من القلب للقلب

بعنوان
افتح لنا قلبك

هناقش وندردش كل اللي جواكم
كل الموضوعات اللي عاوزين تناقشوها
كل اللي عنده مشكلة مع اللي بيحبه هنحلها معاه
هناقش كل الحكايات والمشاكل والقصص
كل الافراح والاحزان
كل شئ

منتظرين مشاركتكم

لا يا ميمو مش قصدى كدة

انا قصدى انة دة بيتوقف على الشخص التانى

هو اللى ممكن يخليك تتكلم وميكنش فى خصوصية

وممكن يخليك مضطر ان يكون فية خصوصية

لكن راى انا ميكنش فى خصوصية

بس بردة بيتوقف على الحبيب اللى قدلمك

شكرا على موضوعك الجميل
يا ميمو مش ملاحظ ان مفيش حد عنده جرأة للكلام عن مشكلته
مع اللى بيحبه
فاكر لما قولتلك ان كلنا معروفين لبعض وهيكون فى خجل ان كل واحد يتكلم عن مشكلته
انت من وقت ما عملت اعلام وهواك وكل المواضيع اللى نزلتها ناس ردت وقالت رأيها
لكن الا الموضوع ده اعتقد انه صعب الكلام فيه

انا شايف كده بس عندي امل ان الناس تكسر الحواجز والناس تكون شجاعة
وعلا العموم احنا اعلاميون
يعني المفروض تكون في شيء من الجراءة

طيب عندى فكرة حلوة علشان الناس تتكلم ونكسر الحواجز اللى بيننا
المفروض انت صاحب الموضوع
يعنى اتكلم انت الاول
علشان بعد كدة كلنا نتجرئ ونتكلم

طيب انا عندى فكرة تانى
وهى
الى يجى يتكلم يحكى حكايتو او مشكلتو او قصتو على إنها قصة واحد صاحبه او حكاية او قصة واحدة صحبتها
وممكن يحكى بالفعل مشكلة حد تانى بدون ذكر أسماء طبعا بغرض إن هو يحل المشكلة دى
وبكدة نبقى حافظنا على الخصوصية سواء كانت الخاصة بينا او الخاصة باصحبنا اللى ممكن نحكى مشاكلهم بغرض حلها عن طريق عرضها على مجموعة فى وقت واحد واكيد هيبا فى حد فينا عندو الحل إن شاء الله
وفى نفس الوقت ممكن اى حد فينا يعرض مشكلتو من غير حرج لان دى ممكن تكون مشكلتو أو مشكلة حد هو يعرفوا
وبكدة هنبقى كسرنا الحاجز اللى بينا وبين بعضينا وفى نفس الوقت
حققنا الهدف الاساسى وهو حل مشاكلنا ومشاكل من هم حولنا
وفى النهاية أرجو إن انا مكنش طولت عليكم
وعايز رأيكم فى الفكرة دى
وعلى فكرة لو نجحت الفكرة دى ممكن يبقى موضوع رائع لانو فكرة هايلة يا ميمو بس لو عملناها صح

جميل يا ابو على

بس علشان نشجع بعض اكتر

وبما انك صاحب الفكره المعدله

فابداء انتا وانا وراك يامعلم

وتسلم ايدك

ماشى يا عزت دبسنى تانى لما أشوفك ماشى
على العموم أنا هقول مشكلة واحد صاحبى كان حكالى عنها من فترة
وهى عبارة عن قصة حب إبتدت ما بين طفلين مع بعض فى مدرسة واحدة وجيران وكبروا وإشتركوا مع بعض فى نقس نوع التعليم بالصدفة والله و كانت القصة دى فى النور كان كل الناس بيحكى عنها وعن أدب صاحبى ده ورجولتو وادب اللى هو بيحبها انا بصراحة أول مرة أشوف قصة حب كدة معروفة ومحدش قال عنها أى حاجة وحشة بل بالعكس كان الكل بيشجع القصة دى على فكرة صاحبى ده كان معايا فى الدراسة
كان شعلة مشتعلة بنار الحب وكان بيعمل كل حاجة او بدأ يعمل كل حاجة فى حياتو فى سبيل إن هو يكون راجل بجد قدام حبيبتوا وقدام الناس كمان
فكر فى إن هو إذاى يبقى قد المسئولية فبدأ فى التفكير فى تطوير حياتو من شاب مراهق الى رجل يعتمد عليه فتنازل عن أشياء كثيرة كان المفروض إن هو يعيشها فى مثل سنه هذا فى مقابل إن حبه هو حياته القادمة فقرر إن هو ينمى نفسه من كل الجوانب سواء كان الجانب الاجتماعى او الجانبالمادى او من الجانب الثقافى فقرر العمل بجانب الدراسة حتى يستطيع أن يبنى نفسه حتى يكون على إستعداد كامل للأرتباط بمجرد أن ينهى دراستهو وكمان كان مقرر إن هو يكمل فى التعليم لحد مايوصل لاعلى الدرجات
وكان معرف أهلو وكان معرف والدت حبيبته لانو كان مؤمن إن حبو لازم بيبفقى فى النور لانو كان متأكد من إن اللى بيعملو ده صح
وعشان كدة كان كل الناس بيشجعوا الحب ده لانهم عرفوا بس مش عرفوا من الكلام بس لا كمان من أعمالو
وفعلا صحبى ده عاش أجمل قصة حب شفتها فى حياتى
وتمر الايام وينهى دراستهو ويفكر فى أن يتقدم لخطبة حبيبته واذا بالصدمة التى يتعرض لها وهو رفض والدها بسبب إن هو عاطى كلمة لابن عمتها وهو ما يقدرش يخصر أهلو لو رجع فى كلمتو طبعا صاحبى تحول الى شخص أخر غير اللى كنت أعرفو سواء كان من الناحية الصحية أو من الناحية النفسيةواصبح يفعل أشياء سيئة كثير مثل التدخين والاهمال فى عمله ولاهماال فى حياتوا أصبح يتمتع بلا مبالة فظيعة لاى شئ وتمر الايام وتتزوج هذه الفتاة وتسوء حياته أكثر فأكثر وعلى فكرة علاشان متظلموش الفتاة انا عرفت إن هى حاولت كتير مع أهلها ولكن أهلها دخلولها من مدخل المرض وإن هما حالتهم الصحية تعبانة فكان علي هذه الحبيبة الاختيار ما بين خسارة اهلها أو خسارة حبها وطبعا اللى مالوش غير فى أهلو مالوش خير فى حد
فاختارة أهلها وهذا كان ما يعذب هذا الحبيب إن هو لاخر لحظة عمرو ما حس بخيانة من حبيبتوا
ولما جلست مع صاحبى ده وقلتيلو إن الحياة لم تقف عى ذلك فرد عليا وقالى
تعرف الواحد لما يبقى بانى بيتوا كلو على طوبة واحدة فى الاساس وتيجى تشيل الطوبة دى من مكانها البيت هيحصلو إيه؟؟؟؟؟؟؟؟؟؟؟؟؟؟؟؟؟؟؟؟؟؟
هو ده اللى حصلى
وتمر الايام وصاحبى مش عاجبو حالو ونفسوا يرجع زى زمان تانى ويعيش حياتو تانى بعد فترة كبيرة من الفشل والاهمال فابتدى يحاول يدور على حب تانى يكمل بيه حياتو
فقرر إن هو يخطب بنت عمو ....اللى هو ماشى بمبدأ مفيش حب تانى هو يبقى بس بيكون إسرة وبيت ذى كل الشباب لاكن ده كان مبدأ غلط طبعا فى حياتنا المعاصرة
وبالفعل فشل فى خطوبتوا وخسر ناس كمان مهمين بالنسبالومن أهلو
وتمر الايام
واذا بصاحبى ده جاى يقولى إن هو حاسس بمشاعر غريبة تجاه حد يعرفوا من أيام الدراسة وإن هو بيرتاح معاه وبيحس معاه إحساس غريب محسوش قبل كدة بس المشكلة فى البنت ديه كان حد من أصحبنا على علاقة بريئة معاه بس صاحبنا ده طلع كان بتسلى بيها معرفش المهم إن هى كانت فتاة مؤدبة جدا محترمة جدا حساسة جدا رقيقة جدا
وكانت تبادل صاحبنا ده اللى هو بطل القصة ديه نفس المشاعر بس هما الاتنين خايفين من الفشل
وكان هو خايف جدا من غن هو هيخسر حد من اعز أصحابه

عايز أعرف إيه رايكم فى القصة دى ونصايحكم
للاتنين دول

والله يا ابو على

انا عايزك تقول لصاحبك

بالنسبه للحب الاولانى

فخلاص

لايفيد البكاء على البن المسكوب

اما بالنسبه للحب التانى

فيبعد عنه احسن

علشان ميخسرش صاحبه

ومعرفه الرجال كنوز

مبالك
الاصحاب

والله يكون فى عونه

وانا نفسى
اوجه كلمه لابوها

حرا عليك الى انتا عملته

انا و اعلام وهواك كل اسبوع حلقة مع ((ميمو المصري)) Storm_12

بص يا عزت هو انا معاك فى الراى الاولانى
بس الراى التانى
مش معاك لان صاحبو هو اللى سابهاوهو مالوش ذنب وهى باردوا مالهاش ذنب
واذا كان صاحبو بجد فهيفهم الموقف وبعدين كلو فى الاول والاخر نصيب
ومستنى راى بقيت الاعضاء
وشكرا يا عزت لمرورك
انا و اعلام وهواك كل اسبوع حلقة مع ((ميمو المصري)) 187a93278fcx1ip4

انا و اعلام وهواك كل اسبوع حلقة مع ((ميمو المصري)) 187a93278fcx1ip4

[b]بجد صدمة صعبة والله يكون ف عونه بس انا ف رأيى أن حبيته كانت ممكن تحل الموضوع من غير ما تخسر حد مادام الحكاية كانت ف النور يعنى أبن عمتها كان عارف فكانت هى قعدت معاه وفهمته ان هى مينفعش تعيش معاه وقلبها وعقلها مع حد تانى وهو مكانش هيرضه على نفسه كدا فكان الرفض هيجى من ناحيته وساعتها الأهل مكانوش هيقدروا يتكلموا اما بالنسبة للحب التانى هما الاتنين كل واحد طالع من تجربة فاشلة يا ريت ياخدوا وقتهم ف التفكير ولو لاقو نفسهم صح يبقى ربنا يوفقهم ميهموش من صاحبه لآن هو اللى سابها Idea

وشكرا طولت عليكم

اكيد طبعا هبيتدوا حياة جديدة وطالما صاحبة باع خلاص بس يحاول يفهمة الاول
بس انا افضل انى العلاقة مش تكون حلوة فد هو لو اخد وحدة متجرحتش قبل كدة وهى بردة لانى اللى بترجرح بيخاف يجرب تانى الحب بيكون محتاج حد يطمنة ويحسسة باللامان واظن ان همل الاتنين هيكونوا خايفين من حاجات كتير المهم
ربنا يوفقك الجميع

انا من رايى ان كل واحد فيهم انجرح من حبه الاولانى عشان كده لازم كل واحد فيهم لنفسه فرصة يحاول يتناسى اللى فات وبعد ذللك يبقوا يفكروا في حب جديد لان ممكن يكونوا بيفكروا في حب جديد عشان ينسوا حبهم القديم وده يعتبر تسرع من الممكن ان يسبب مشاكل فيما بعد
ربنا مايوقع حد في حاجة زي دي لانها بتجرح قوووي

انا ممكن اسئلكم كلكم سؤال بس خارج الموضوع

انتو ليه لما تيجو تسجلو مشاركتكم في الموضوع وتردو على بعض كأنكم بتتخانقو

لو تسمحولي ........دي آراء ومن حقنا اننا نحترم آراء الأخرين ..........

وسووووووووووووووووووووووري بجد لو كنت دايقتكم .......سوووووووووووووووووووووووووري

ايه يا عم ميمو فين الحلقة الاسبوعية اللي انت بتعملها ولا بتسرح بينا

بكل الحب هنتكلمن عن الحب

بكل الحب هناقش كل قضايا الحب

معاكم من تاني كل خميس من كل اسبوع

وحلقة جديد من

[size=18]
(انا واعلام وهواك)

حلقتنا النهارده من جزئين

الجزء الاول
هو

ايه رايكم
في الحب عن طريق الانتر نت ؟

الجزء الثاني

هو

&&&(ازاي نتخلص من الجرح؟)&&&[/size]

بمعني

الكتير مننا ممكن يدخل علاقة حب وينجرح من اللي بيحبه
واسباب الجرح ده كتيرة وكلنا نعرفها
ازاي نتخلص من الجرح ده

عاوزين نعرف اراكم

ونشوف مشاركتكم ياجمل اعضاء في احلى منتدي

مع تحيات

ميمو المصري

انا رايى ان طالما الواحد حب بجد صعب يتخلص من جرحه بسهولة عشان كده يغير حياته يدور علي حاجة تشغله ولو جتله فرصة انه يفكر فيها يمنع الفرصة دي انها تيجى ازاي :بانه يشغل نفسه علي طول بموضوع تاني وميتكلمش عن حبيبه خالص وميحاولش يعطى نفسه فرصة انه يفتكر اللي كان بينهم ولو حتى موقف صغير وبعدين مينسيش حب قديم الاحب جديد زى مابيقولوا ومش معني كده انه يتسرع ويدور علي حب تاني لان ده هيكون اكبر غلط
اما بالنسبة للحب عن طريق النت فالموضوع ده بيختلف من شخص لاخر وانا بصراحة غير مقتنع به علي الاطلاق
وشكرا يا ميمو علي الموضوعات الجميلة دى

الحب من على النت بعتبره لعب عيال ناس بتكون فاضية فبتشغل نفسها بحب النت وبيكون غير سليم
ناس منعرفهمش وممكن يكونو بيكدبو وده أكيد
بالنسبة ازاى نتخلص من الجرح دى حاجة صعبة وبتاخد وقت وفى ناس بتقعد سنين على جرحها ممكن يحاول ميروحش للمكان اللى موجود فى حبيبه ميتكلمش عنه
ميحاولش يقابل اى حد يفكره بيه
لكن ده بسميه هروب

الحب عن طريق الانترنت

ممكن يحدث

اذا الطرفين تمادوا فى العلاقه اكبر

يعنى
انا اعرف ناس حبوا عن طريق الشات

ووصل بيهم الحال اللى الزواج

ولكن بعد الزواج

تكثر المشاكل وتذاد الشكوك بين الطرفين الى ابعد مدى

فمن الاول بلاش حب الانترنت
كما ان فيه كثير من حالات الغش والخداع

فممكن الولد يقلد بنت والعكس

ومعلومات الشات اكتر من نصفها كدب فى كدب

ونتخلص من الجرح بالنسيان والابتعاد

وانا عن نفسى عندى قدره كبيره على نسيان اى حد خدعنى او جرحنى

والدنيا مبتقفش على حد يعنى

صحيح انا اتظلمت مش اتجرحت وكمان اتعذبت

بس قبل ما اقرا فى الكتب ازاى اتخلص من الفترة دى اللى كنت بعشها

قربت من ربنا اكتر كنت بدعى كتير قوى والحمدة الله عدت الفترة دة

بس اهم حاجة انا طلعت منها هى نعمت الرضا

كنت برضا بكل حاجة ربنا بيدهالى حتى لو كانت وحشة بس ربنا مبديش حاجة وحشة غير لحمكة من عندة

وعشان كدة انا بنصح اى جد اتجرح اتظلم لقدرة الله اى حاجة وحشة

اول حاجة يقولها الحمدة الله وتاكد انى ربنا بعمل كدة عشان هو دة الصالح ليك

وكمان اكيد هتتعلم حاجة

بس اوعة تفكر انك تنتقم من الشخص اللى جرحك او ظلمك

اولا مفيش حاجه اسمها حب عن طريق النت دا بيبقي اسمه تعود او حد بترتاح لما بتتكلم معاه بصراحه ومش بتخاف تقوله اسرارك لانه ميعرفكش شخصيا فبتكون مطمن معاه لكن الحب بييجي من التعامل انكو تكونو عارفين بعض وصفات بعض مميزات وعيوب بتحبو ايه وبتكرهو ايه كل دا هييجي ازاي عن طريق بوكس صغير جواه شويه كلام ثانيا ازاي هتتأكد ان اللي بيكلمك علي النت صادق ف كلامه ومشاعره وثالثا الحب اساسا بيعتمد علي الثقه واحنا في مجتمع شرقي بيعتبر اللي بيتعاملو عن طريق النت مش كويسين فازاي تحب حد من غير ما تثق فيه

لا تصدقوا حب الشات
لا تدخلوا الشات مرة اخرى

انا اعرف ناس كتير بتحب كذا مرة من ع النت وبتكون علاقة حب عادية جدا وبيتكلموعادى ع النت والموبيل وممكن بيشوفو بعض ويعرفو بعض اكتر بس كمان فيه كتير مش بيوصلو للمراحل دى يعنى بيكون شوية كلام اونلاين لطيف وبعد كده فركش واللى مكتوبلو انو يحب من ع النت هيحب من ع النت وفيه مقولة بتقول شات خير من 1000 ميعاد هههههه

اما عنموضوع ازاى ننسا الجرح اصلا الانسان جاى من النسيان وانا اصلا معنديش مشكلة ف الموضوع ده لانى بنسا بسرعة جدا وكمان بسامح بسرعة جدا لدرجة انى ممكن انسا ان حد جرحنى والاقى نفسى بكلمو ع اننا زمايل او اصحاب يعنى معنديش مشكلة ف الموضوع ده فيه كتير بيقولو ع ان ده عبط بس انا مرتاحة مع نفسى كده

~~RUBY~~

بسم الله الرحمن الرحيم

بكل الحب هنتكلم عن الحب

بكل الحب هناقش كل قضايا الحب

اصدقائي

رجعنالكم تاني

من جديد علشان نكمل حلقات

برنامجنا

انا واعلام وهواك

يلا يا جماعه عايزين ننشط الموضوع

وعايزين الحلقه تكسر الدنيا

وطبعا يهمنا ارائكم جدا

فى انتظار مناقشتكم

مساء الحب والجمال على أحلى أعضاء وأحلى أخوات فى الدنيا فى أجمل مكان فى العالم

اولا احب اشكر كل الناس اللى بتدخل على الحلقه وبترد وبتكتب رأيها

وبرضه الناس اللى بتدخل تشوف الموضوع وتمشى برضو بشكرهم على مرورهم

بشكركم على تفاعلكم وبشكر الناس اللى دايما معايا وبيردوا على كل حلقه

حلقه النهارده حلقه مميزة جدا ومحتاجه نقاش كبير ومحتاجين نسمع اراء

بعض فيه ونعرف ان كان حقيقه ولا وهم ان كان ممكن نمحيه من قلبنا وعقلنا

ولا لأ ممكن نعيش عليه ولا لأ

الحب الأول أو الحبيب الأول

أنه أول ما شعر به القلب أول من ضعفت له النفس أول من طرق باب القلب ففتحت له الابواب بصدر رحب الحب الاول الشعور الجميل البرىء
اللى كان لسه ميعرفش أى حاجه وحشه لا نفاق ولا لعب بالمشاعر
الحب بأخلاص بوفاء بنيه صافيه لمجرد أنك حبيت الشخص ده وخلاص بعيوبه بمميزاته بكل حاجه فيه

يا
قلبى هى مره بنتلاقى فى العمر مره ومهما نحب تانى مبننساش حبيبى الاولانى
صعب فى يوم يرجعلى تانى بس مهما يكون نسينى مبنساش ده الفراق قدرك نصيبك
ليه ياقلبى اللى يسيبك يبقى طول عمره حبيبك بس ليه ممكن انسى اسمى انسى
الناس انسى اعيش بس اول مره احب مبتتنسيش

بعيد
أوى عن عنيا بعد ما كان ايده فى ايديا وكنت فى حضنه هو بنام وارتاح قبلت
كتير فى بوعده بس ماليش فى الدنيا بعده وابتديت اعرف غلاوته لما راح ده
الفراق قدرك نصيبك ليه ياقلبى اللى يسيبك يفضل طول عمرة حبيبك بس ليه

حبيبى
الاولانى فعلا اول حب فى حياتنا عمرنا ما بننساه ممكن نحب بعده ممكن نعيش
بعده بس ننساه مش ممكن يمكن الأغنيه دى واللى انا اخترتها انى اكتبها
بتمسنى اوى
اكيد كل واحد منا ليه فى حياته حب اول فى ناس لسه مستمر
وربنا يكتبلهم الاستمرار يارب مدى الحياه وفى ناس انتهى وعايشين عليه وفى
ناس منسهوش بس حبه بعده
سؤالى بقه لما تيجى تحب تانى بيبقى بنفس الدرجه بنفس الحب بنفس الشوق ؟؟؟؟؟؟؟

يعتقد
البعض أن ذكرى الحب الأول لن تمحوها الأيام ولا السنين. والبعض ينظر إليه
على أنه مجرد وهم طفولى، ومشاعر مراهقة طبيعية يمر بها الإنسان. البعض
يعيش على الذكرى ويتمنى لو عادت به الأيام، والبعض يحاول أن ينسى تلك
الذكريات ويعتبرها ماض انتهى ولن يعود.
عايز اعرف كل عضو هنا رأيه فى الحب الأول ولو يقدر يزكر لنا أول حب فى حياته أول ما دق القلب
وممكن نحب تانى وتالت ولا الحب مره واحده فى العمر

انا رأى ان الحب الأول مش وهم لا ده حقيقه وكلنا شعرنا بيه يمكن لما نشوف اول شخص حبناه بنحس بيه وبيدق قلبنا
بس كمان الحياه عمرها ما هتقف عنده وأن ممكن يكون أول حب لكن مش الحب الحقيقى
لأن
لو انتهى ميبقاش حب حقيقى وانا من وجهت نظرى ان الحب الحقيقى هو الحب
الأخير اللى بكمل معاه حياته وهعيش معاه عمرى واللى هقدره ويقدرنى واللى
هيكون عندى اطفال منه
ممكن ناس تعارضنى وممكن ناس توافقنى

وعلى
فكرة رغم اقناعي بالرأي دة انا مش قادر امحي حبي الاول من قلبي وعايش على
ذكراة لحد دلوقنى بس ياتري ممكن اتغير بعد كده ولا لاء معرفش

هل صحيح أننا لا يمكن أن ننسى الحب الأول وأننا سنتذكره طول العمر أم سيختفى رويداً رويداً مع مرور الوقت؟
وهل نظل الى الشوق والحنين للحب الأول ، أم هل هو وهم من وحى خيالنا؟
وهل الحب الأول يؤثر فينا وفى انطباعتنا هل تشعر بالحنين له ؟

فى أنتظار ارائكم ومشاركتكم فى الحلقه ورأيكم فى موضوع الحلقه
وأى حد عنده كلام نفسه يفضفض فضفض هنا اتكلم هنا هنسمعك وهنساعدك وهنحط ايدينا فى ايديك

مع خالص حبى

ميمو المصري

معلش يا ميمو انا بختلف معاك انا راى ان الحب الاول هو الحب الوحيد فى حياة الانسان واللى بيجى بعد كدة
ده اعجاب وتعود واقتناع بالشخص

والحب الاول اللى بجد عمر ما الايام تاثر فيه
بس بقول الحب اللى بجد مش حب المراهقة
واللى حب بجد هيعرف معنى كلامى
وهيحس بيه

nice topic bs el7ob elawl hwa el 7ob ela5er w ely bestmr w merci mimo 3ala elmwdo3 elgamd da>>>>>>>>>shery

abo.aly كتب:: معلش يا ميمو انا بختلف معاك انا راى ان الحب الاول هو الحب الوحيد فى حياة الانسان واللى بيجى بعد كدة
ده اعجاب وتعود واقتناع بالشخص

والحب الاول اللى بجد عمر ما الايام تاثر فيه
بس بقول الحب اللى بجد مش حب المراهقة
واللى حب بجد هيعرف معنى كلامى
وهيحس بيه

شكرا يا ابو علي بس في حب المراهقة
اللي ممكن يتنسي اول ما الواحد مننا يكبر
ويبدا يفكر بعقله مش بقلبه زي ما بيحصل في الاول
وممكن اكون معاك في جزء من الكلام اللي انت بتقول بس بيكون من طرف واحد بس من الطرفين
ان في واحد بيبقى زي ما بتقول والطرف التاني بيفكر بعقله ويقول ده كان لعب عيل
وعلى العموم دي وجهات نظر
شكرا لمرورك

مفيش حب على النت لان ده بيقى اغلبيته كذب وانا قبل كده جربت ده واتضح انه كذاب فى اغلب البينات وده حقيقه وعلى فكره في ناس لو فرض وحبوا من على النت بيعانى من مشاكل كتيره بعد كده

ولسة بنتكلم عن الحب ومعانا اتصال ونقول الووووووووو مع احترامى الشديد ليك يا ميمو في الزمن معتقدش ان في حد يثق في حد الا اقرب الناس وانت تقول حب اولا اللي بيحب بنت لازم يفهم والدها لو هو بيخاف عليها وبيحبها بجد مش حب الكلام الرومانسي والخروجات بدون علم الوالد هتقولي مثلا هو طالب برضة اسمه ناوي خير لكن انى اكون بحب شخص وبعدين اتصدم وياريت المشكلة هتيجى علي الصدمة بس كمان انا هفضل اسيرة هذا الحب وهظلم اللي هيدخل البيت من بابه وعشان كدة بفضل مش يكون الزواج هو نهاية الحب بل يكون بدايته وده من وجهة نظري واسفة علي الاطالة

وبالنسبة لاحمد ناجى برضه مع احترامى لما يكون الحب امتلااااااااااك يكون عبارة عن صفقة تجارية بيع وشاء مش حب