هل يمكن للحب ان يكون؟

اذا حبيت اقولك بحبك
وهى صعبه عليا شويه
ملقتش غير اللغه التانيه
وهى الاسهل طبعا عليا
اصلى بتكلم انا لغتين
بالعربى
وقولتهالك
بحبك
وبعيونى
ودى لغتى المفضله
عدتهالك
دى لغه تدفيك
تشدك تجذيك
تريحك تحميك
ومن الاخر تحتويك
وبعدين انتى بتتكلمى نفس اللغه
وكمان
انا شاطر فيها وانتى ممتازه فيه

وان شايفك مرحبه
وبصراحه لقيتك عيله
ومحتاجه منى لطبطه
وشويه دلع ادلعهولك
وخايف لتقولى انى
متربى على مصطبه

وطالما انتى شاطره كده
وانا واخد دكتوراه فالبصبصه
مفيش داعى لمترجم بينا
ويترجم غلط وتبقى زعلانه ومتنكده
انتى بتتكلمى لغتى وانا
بتنفس حروف عنيكى
وانا هوايتى البصبصه
خليكى متاكدى
انى بموت فعيونك
وانتى لسه
بتسرقى من وراهم بصه ولا حتى
انا حبيتك وانتى حبانى
يبقى ليه لجناحى مقصقصه

على فكره
الشعر ده او الكلام ده انا مش محضره
ده كلام جه كده وانا مصدقت اكتبه

واقول انا حاولت انى اعمل شكل جدبد
شعر وموضوع
والموضوع انا بطاب منكم ردود على سؤالى

ليك يا ادم
قابلت الحب ده؟ ولو قابلته حصل ايه بعد كده؟وايه اللى كان ممكن يمنعك بعدهحب العيون؟

ليكى يا حواء
نفس السؤال؟ ولكن ازيد عليه انتى بتبقى مستنيه ايه بعد ما قابلتيه؟وايه اللى محتاجه ليه عشان يكمل الحب ده؟

وللجميع السؤال ده
هل حب العيون فيه متعه؟
او لذيذ؟
وهل يمكن للللحب ان يكون؟

يعنى مشوفتش ردود هنا؟

انا اتمنى اشوف

ولو الموضوع معجبكوش

قولوا وانا مش هزعل

وشكرا ليكم

يابنى انتا مواضيعك كلها عجبانا
انتا روكا الفنان

و حلوه لغه العيون دى

ممكن تدينى فيها كرس

والله انتا شاعر جامد جدا
استمر والى الامام

مردتش يا عزت على الموضوع

وميرسى ليك يا قلبى

ولو سنحن رد على اسئله الموضوع

تسلم ايدك بجد موضوع جميل

بص يا كينج
ده بما إنك خبير فى لغة العيون

انا قابلت الحب ده
ويا لهوى على حب العيون وخصوصا لما يبقى متبادل بين الاتنين
حب كدة اللى هو يعنى
سعادة الدنيا كها في نظرة من عيون حبيبك
وحاجات كتير قوى بس صعب إن أعبر عنها

موضوع جامد قوى يا كينج
تسلم إيديك

اشكرك على الموضوع الجامد دة يا روكا
طبعا اكيد كلنا قابلنا حب العيون
لان اول خطوات الحب هى لغة العيون
واللى حصل بعد كدة اننى توهت فى السكة ومكملتش الحكاية
واللى منع الظروف والمشاكل
طبعا سؤال حواء هرد علية بتكون مستنية ادم يجى على حصانه الابيض ويخطفها
بتكون مستنية حبيبها يجى يصارحها
اكيد اى بنت بتكون محتاجة للثقة والامان مش اكتر من كدة ودة فى اى حب مش فى حب العيون بس
والسؤال الاخير اكيد حب العيون فيه متعة لانه بيكون اطهر واسمى معانى الحب
وكمان بعتبره حب برئ

شكرااااااااااا لمرورك يا زمالكاويه

تسلم ايديك يا رووووووكا يا فنان وفعلا زى ما قالت الزملكاويه اول او بداية اى حب بيبدا بلغة العيون وهى فعلا لغه قويه جدا ومعبره جدا

فى الاول بجد يا حوده الموضوع جميل بجد فنان
ثانيا انا قابلت الحب ده فعلا اللى بالعيون حقيقى هو جميل قوى بس مش عارفه ليه دايما مبيكملش دايما بتكون فى حاجة ناقصاه ايه هى مش عارفه
اما عن موضوع حوا بتكون مستنيه ايه بعد كده اقولك بتكون مستنيه خطوة بجد يعنى يروح ويقولها انه بيحبها عرفت بتبقى مستنيه ايه

عرفت بتبقى مستنيه ليه يا يويو
بس منك انتى يا يويو
اكيد هتبقى طعمها احلى

شكرا لمرورك
وميرسى لكل الاعضاء اللى فالمنتدى اللى ردوا على الموضوع

ألموضوع جميل اوي و اناهاقولكم كلام ألعيون سحر و جنون

طبعا لغة العيون متعة علشان تفهم اللى قدامك
وتسلم ايدك

تسلم ايدك يا محمود نايس توبيك وبا نتظار الجديد

رقيه

شكرا لمرورك بجد نورتينى وخليتى الموضوع يبقى ليه سحر بردك

منه
ميرسى لردك ولاهتمامك وطبعا مفيش احلى من لغه العيون عشان نفهمم اللى قدامنا

كنزى
ميرسى لمرورك ودايما منورانى
ومتغيبيش عن اى جديد ليا

حتى ترى من صميم القلب تباينا فالعين تنطق والأفواه صامته

بيت الشعر ده

ممكن يكون رد مختصر لسؤالك المميز

وتسلم ايديك يا جميل

بجد نورتينى يا ملاك
واحلى الردود واجملها واروع اختصار
فبيت الشعر ده
تسلميلى ودايما منورانى ومتغيبيش ابدا عن مواضيعى
ميرسى مره تانيه لمرورك
يا قمر