نرجو الاهتمام

موضوع: نرجو الاهتمام السبت 01 أغسطس 2009, 2:30 pm

السلام عليكم ورحمة الله وبركاته
انا بكتب الموضوع ده بناء على رغبة اعضاء كتير هنا
وهو انه نحط قوانين او حدود للشات
لانه من الملاحظ جدا انه فى ناس كتير مش بتهتم بالمنتدى قد الشات
وده اصبح واضح جدا
وانا هتكلم عن نفسى
لاننى وحدة من الناس اللى برضة بتدخل اغلب وقتها للشات بس
فمن المقترح مثلا
انه يكون تلات ايام فى الاسبوع
او مثلا
نحط قوانين ان الاعضاء اللى مش بتشارك تتمنع من وجودها بالشات
علشان نهتم بالمنتدى
وبرضة فى مواضيع كتيييييييييييييييييييييير مش فى امكانها
محتاجة شوية تظبيط
لازم نهتم شوية
ولازم يكون فى اهتمام اكتر من المديرين
وشكرا وارجو الاهتمام
فى حاجات كتيرهنا محتاجة اهتمام
وكمان عايزة اشوف رأيكم
يعنى المفروض على كل عضو هنا يكتب راية

انا مش معاكي يا زملكويه في حكاية منع الاعضاء غير المساهمين في المنتدي يمنعوا من دلا اله الا الله الشات لان اكيد في ناس بتحب تعلق ع الموضوعات بس او معندهاش حاجه تنزلها دلوقت وممكن ناس تشترك بغرض التعارف وتكوين صدقات بس
لكن متفق معكي في ضروره زياده الموضوعات ومراعاه اختيار المكان الصحيح للموضوع ونرجو اهتمام اكتر من مديرين المنتدي.
وشكرا ليكي يا زملكويه علي الاقتراحات دي

انا معاكى يا زملكاوية فى موضوع تحديد ايام للشات بس مش معاكى فى موضوع منع الاعضاء اللى مش بتشارك لان دى حرية شخصية ومعاك ان المديرين لازم يهتموا بالمنتدى اكتر من كده شوية
وشكرا على اقتراحاتك

شكرا جدا يا جماعة علي مشاركاتكم واقتراحاتكم
وبالنسبة للشات ان شاء الله هيكون 3 ايام في الاسبوع بس
وانا بقترح انها تكون
السبت-والاثلاثاء- والخميس
ولو في اقتراح تاني انا موافق
ده بالانسبة لشات
اما بالنسبة للمواضيع اللي عايزة تتظبط في مكانها الاصلي فده يرجع اول حاجة لكاتب الموضوع المفروض يكتبه في القسم المناسب ليه تاني حاجة لو اخطا كاتب الموضوع فده دور المشرفين كل مشرف مسئول عن قسمه المفروض يظبط المواضيع اللي فيه
ده بالنسبة للمواضيع
كمان بالنسبة للاهتمام من الادارة
الادارة مهتمة الوقت ده بتطوير المنتدي ككل ونقله علي سيرفير اصلي دون استضافة من شركات لعدم نزول اعلانات علي المنتدي بحيث يكون لينا مساحة خاصة بينا
وناخد اعلانات من شركات تاني
وده موضوع صعب شوية ياريت تكونوا فهمتوني
كمان الادارة قايمة بدور صعب شوية لاننا بنصمم مجلة الكترونية تتربط بالمنتدي بعد نقله علي السيرفير الجديد
مجلة الكترونية زي موقع ماي ايجي لو تعرفوه
ورغم ده كلوا انا اسف جدا جدا جدا لو كنت قصرت في دوري شوية
وشكرا وتقبلوا اسفي للمرة التانية

اولا بشكر الزملكاويه على الموضوع ده

وبنقولك يناجى انك عمرك ما تقصر معانا
وربنا يكون فى عونك وتطور المنتدى

وانا طبعا موافق على موضوع تحديد الشات فى ثلاثه ايام
عشان نهتم اكتر بالمواضيع
وحلو قوى
السبت والثلاثاء والخميس

انا مافق
وياريت نشوف رد باقى الاعضاء

معلش يا جماعة انا مش موافق

انهاردة الخميس الشات مش موجود لية انا مش موافقة اوي يعني علي موضوع تحديد ايام للشات وبعدين اللي شايف ان الشات بيضيع وقتة او 000 او 0000 او00 يبقي عندة ارادة ويمنع نفسة ! تقبلي مروري يا زمالك

يا جماعة لو سمحتم عايزين نتفق علي راي وبعد مانقرر علي راي واحد انا تحت امركم في فتح علبة الشات
وتقبلوا مروري

انا عن نفسى سحبت رأيى
رقية عندها حق
اللى شايف ان الشات كدة
يخللى عنده ارادة ومش يدخلله احسن
عندك حق يا رقية
رأيى محدش ياخد بية احسن

على فكرة احنا قولنا نحدد الشات عشان المشاكل اللى كانت بتحصل فيه بس لو كل واحد قدر يتحكم فى نفسه يبقى خلاص مفيش مشكلة وتقدر تفتحه من تانى يا ناجى

انا مش موافق عالاقتراح معلش يا زمالكاويه

ده راى

يا جماعه

كل واحد عنده ظروف و3 ايام دى ممكن تحرمنى مثلا من الكلام مع الناس اللى صاحبتهم هنا

واللى مش معايا ايميلاتهم عشان اكلمهم

واكتر حاجه حسيت بيها حتى مع الناس اللى معايا ايميلاتهم امبارح يا جماعه ايميلى اتقفل ومعرفتش اعمل ايه بجد اتخنقت قوى
كل الناس قدامى ومش عارف اتكلم واقلهم مش عارف اكلمهم
لا والمصيبه اللى معايا منهم تليفونهم مش عارف اتكلم برضه عشان مش معايا رصيد
هههههههههههههههههههههه
المهم ده سبب
ولوانه تافه فنظر اى حد
بس انا بعتبره مش تافه
لانى بجد ايميلى
معلهوش اى حد غيركم
ولما معرفش اتكلم معاكم اعمل ايه يعنى؟
فبقيت ابعت لكل واحد رساله خاصه زى المجنون
ومفيش حد عبرنى برضه
ههههههههههههههههه
وشكرا للى ضافنى ومتاخرش عنى
بس الايميل تانى يوم لقيته اتفتح شوفتو
كان بيرخم عليا
المهم دى فايده او ميزه من المميزات

ميزه تانيه
انا مثلا اتعرفت على ناس معايا فالدفعه
كل اللى كان بينا مجرد سلام
سلام
وامشى
دلوقتى يمكن بقوا قريبين منى اكتر
وصاحبتهم اكتر
وده مثل تانى

والناس اللة فالدفع الصغيره
برضه اتعرفت عليهم من هنا
واللى اتشرفت بيهم

واقتراحى منكم انتم ومن اللى بتقولوا
اللى عايز يدخل الشات اهلا وسهلا بيه
واللى مش عايز اوك
وبالنسبه للمواضيع والتقصير فيها
يا جماعه احنا عددنا كبر
وانا عن نفسى مش بلاحق ارد على كل المواضيع
بس برضه بكتب مواضيع
وارجو ان الكل يفهمنى
ومستنى ردودكم

الشات مينحددلوش معاد
لانه كل واحد ليه ظروفه
والشات مش عائق ابدا

الا لو رجعتوا لاقتراحى زمان اللى انا كتبته والكل وافق عليه
ان احنا لاذم نتكلم مع بعض وكده ومحدد معاد
دلوقتى بقى انتو بتعملو العكس
ازاى معرفش

وشكرا ليكو

يا جماعه انا مش موافقه على تحديد ايام للشات ياريت يرجع زى الاول

عارفة رايى هيضايق كتير من الاعضاء واسفة جدا ورايى هو ياريت يتشال خالص

يجماعه انا حاسس ان رائى ضايق ناس كتير

وانا بطلب من ناجى انه ياخد بالاغلبيه

وانا وايات والزملكاويه
كان قصدنا
ان المنتدى يشتغل
للاننا للاحظنا ان الناس بتهتم بالشات اكتر

وانا اولكوا طبعا

وكمان كان قصدنا

نمنع المشاكل الى حصلت بسبب الشات

بس ياريت يا ناجى
تنزل
موضوع عن شروط وقوانين الشات

ومايجب ان يكتب فيه ومالايجب ان يكتب فيه

وان يكون الشات مراقب منك شخصيا

وان العضو الى مش هيحترم قوانين الشات

تراسله انتا على الخاص

ومن الاخر
انت الاداره
وربنا يوفقك وتختار الاصلح

غريب طبع الانسان
الموضوع انا كتبته من يوم 1/8
وناس قليلة ردت علية
والادارة ردت يوم 3/8
يعن كان فى فرصة يومين للرد
والشات اتشال يوم 5/8
يعنى برضة كان ممكن تردو قبل ما يتشال
وللاسف محدش شاف الموضوع ولا خد بالة منه
غير لما الشات اتشال
وده مما برضة يدل على ان الاهتمام بالشات اكتر من الاهتمام بالمواضيع
وعلى فكرة محدش يقوللى معلش ومتزعليش من رأينا
وانا هزعل ليه انا ما مجرد الا اننى كتبت الموضوع وانا كتبت فى بدايته اننى بكتبته بناء على رغبة اعضاء كتير
وقولت رأيى من خلال ما كتبت الموضوع وعلشان محدش يزعل منى زى ما واضح فى ردودكم اعتبرونى مقولتش حاجة
وسحبت رأيى

طبعا يا جماعة انا مش عارف اقولكم ايه بس انا لما قفلت الشات كان بناءا علي طلبكم ودلوقتي فتحت الشات برده بناءا علي طلبكم اتمني من الاعضاء اللي ارائهم متعارضة انهم يحاولوا يقربوا ارائهم من الاراء المتعارضة معاهم وانا تحت امركم في اي راي

والله يا ناجى انت شخص مسالم خالص وطيب خالص معاهم معاهم عليهم عليهم
بس انا رايى لية منكننش جداعان كدة وثبت لى نفسنا انى احنا نقدر نكون قدها
ونتمسك بالاتنين يعنى نهتم بالمنتدى والمواضيع والشات فى وقت واحد وبكدة هنحقق انجاز عظيم