ويجا الحب للى بيحب وبس

السلام عليكم ورحمه الله وبركاته

انا النهارده حبيت اجبلكم لعبه بس تكون من عندى انا
ولو حتى تكون جديده من عندى انا ويارب تعجبكم

وفكره اللعبه من فيلم ويجا
بس المره دى الاسئله متحدده مش لسه هنختارها

يلا بقى com wiga
com wiga

اللعبه هى خمس اسئله
والاجابه عليها يا ريت تكون فيها الصراحه

1انت _انتى بتحبى بتحب جاوب بصراحه

2ايه اللى عاجبك فحبيبتك_حبيبك؟

ايه اللى عاجب حبيبتك فيك_اوحبيبك فيكى؟3

4ايه اللى بيضايقك منها_واللى بيضايقك منه؟

5حبك ده من طرف واحد ولا من الطرفين؟

6 السؤال ده بقى للعضو اللى يجى بعدك يقول الاول نصيحته للعضو اللى سبقه وبعدين يجاوب عن اسئلته؟

واتمنى تعجبكم يلا نلعب

يلا

يلا

اولا انا بشكرك على اللعبه الجميله دى
الاجابه بقى
السؤال الاول0 انا مش بحب دلوقتى
السؤال الثانى0 اللى هايعجبنى فيه انه يكون رومانسى
السؤال الثالث0 مش عارفه لانى مش بحب حاليا
السؤال الرابع اللى هيضايقنى فيه انه يكدب عليا
يارب انجح فى الامتحان000

اولا بحب اقولك دى لعبة جميلة جدا بس ياريت كلنا نلعبها
1:انا مش بحب دلوقتى
2:اللي هيعجبنى فيها انها تكون مؤدبة وجميلة ومتدينة وتكون طريقة تفكيرها عالية
3:اول ما اعرف هاقولك
4:انا اللي بيضايقنى عموما الكذب والخيانة
5:نصيحتى لكنزى اوعى تنخدعى بالمظهر الخارجى للشخص واعرفي شخصيته الحقيقية وبلاش تخليه يمتلكك لانه اكيد هيفكر يسيبك

ايه ده
هههههههههههههههههه

هو كل اللى هيدخل هيقول مش بحب
احنا فرمضان واللى هيكدب هيروح فين
اوعو تقولو مارينا؟ ههههههههههههه

انا بهزر سورى

شكرا بجد لاهتمامكم
وميرسى لمروركم
يا كنزى وليك يا احمد
وفين بقى اللى بيحب عشان اللعبه تمشى
هههههههههههههه
مستنيكم

شكرا ياكينج على اللعبة
وابدا
اولا انا ما بحبش حد
ثانيا انا اللى هيعجبنى فيه انه يكون متدين ومحترم وطبعا بيحبنى
ثالثا اكيد اللى هيعجبه فيا انى وللحمد لله محترمة
اما رابعا عموما اللى بيضايقنى الخيانة والكذب وانه حد يستفزنى
اما نصيحتى لاحمد انه مش لازم يكون طريقة التفكير عالية فمن تكون تفكيرها اعلى منك

اولا اه انا بحب

الى عاجبنى فى حبيبتى انها بتخاف عليا وبعرف اغيظها وبتحبنى زى ما بحبها

الى عاجبها فيا صراحتى وخوفى عليها

الى بيضايقنى منها انها بتشك وكتيره الاسئله

والى بيضايقها منى انى ببص على البنات وبنرفزها

نصيحتى لمنه ربنا يوفقك وتلاقى شخص متدين

لان بجد الدين اهم صفه تخلى الحياه سعيده

لعبة جميلة يا روكا
كنت بحب
كان عاجبنى فيه انه كان رياضى وديما متسامح وطيب
كان ديما بيحب صراحتى حتى ولو كانت على حساب نفسى او على حساب نهاية العلاقة
اكيد لكل انسان عيوب لكن احب افتكره بكل خير وربنا يهديه ويوفقه
نصيحتى لعزت ربنا يهديك وتبطل تبص للبنات لان دى اكتر حاجة تضايق اى بنت وربنا يوفقك وتكمل حكايتك على خير

بجد شكرا ليك يامحمود على اللعبة الجميلة دى
انا لسه مقابلتش الحب ده
اللى هيعجبنى فيه حبه ليا وخوفه عليا وانه يكون مستعد يعمل اى حاجة فى الدنيا عشان خاطرى وانه يكون طيب وبيثق فيا ومتدين
واللى هيعجبه فيا الله واعلم لما ابقى احب هبقى اقولك
واللى مش هيعجبنى فيه الكدب والخيانة والانانية وحب الامتلاك والشك
ونصيحتى للزملكاوية
احب اقولها ان الدنيا مبتوقفش عند حد واكيد هتلاقى اللى يحبك وتحبيه وربنا يوفقك

اولا قبل ما ارد يا محمود انا شايف ان البنات الى على المنتدى مش بيحبو حد والله اعلم بيكدبو ولا يمكن فعلا ما بيحبوش بس على العموم مش عيب لما تقولى

1 كنت بحب

2 انها رزينه وعاقله

3 مش عارف

4 مش عارف

نصيحتى للبنات بلاش كدب ويحكو على الشباب الى بيحبوها

واحنا هنكدب ليا يا هيما وعلى فكرة اقرا ردود البنات كويس
. وهتشوف اللى في بنات كاتبة اللى هى كانت بتحب

على فكره مفيش غير الزمالكويه بس هى الى كانت صريحه
انا قريت الردود اكتر من مره يا منه

انا على فكره رافض ارد عليكم
وسايبكم براحتكم
لانى بعتبر اللعبه بتاعتكم
ولاذم مفصلش بين رد حد ورد التانى عليه لانه المفروض فالرد التانى نصيحه
وانا لو كتبت رد هاشغل اللى بيلعب اللعبه بردى انا
لكن طالما اللعبه واقفه انا هارد وبعد ازنكم

اولا مرور مقبول ليكم وللى للعب اللعبه
وانا شايف ان اللعبه جايه قوى عالحته اللى فالشمال
وكمان هيا ضلع موجود فيها وهى الصراحه
وانا فعلا لقيت الصراحه من ردود ناس
ولقيت ناس تانى بتدارى
المهم
بصراحه انا اللى غلطان
انا المفروض السؤال الاول ده كنت خليتو
لو بتحب؟ جاوب عالاسئله
مش انت بتحب دلوقتى قول اه ولا لاء
كده اللعبه مش تمام
وانا اللى عايزه موصلتلوش
وانا هاغير السؤال الاول
واخليه لو بتحب جاوب عالاسئله
وطبعا عشان اللى مش بيحب ميدخلش
ويقول انا اتمنى يكىن حبيبى كدا
هههههههههههههههههه
وطبعا محدش هايدخل اللعبه اصلا
وبرضه عشان محدش يزعل من حد
لان هيما اللى شافه قاله ان فيه ناس بتكدب
فعشان احنا العلاقه بينا متتوترش
انا هاغير السؤال
وانا عارف ان مفيش حد هايدخل اللعبه تانى
ومع ذلك عشان محدش يحرج حد او يقول لفظ يضايق حد تانى
واتمنى تكون اللعبه عجبتكم

وياريت بقى نعيد اللعبه من تانى

عشان اللى اتغير فاللعبه

وانا متاكد بقى لانى المنتدى كله مش بيحب
ا
انه محدش هيدخل

القلوب كلها فاضيه

معقول!

وشكرا لاهتمام اللعدد القليل اللى رد

ومرور متقبل

1-انا فعلا بحب
2-اللى عجبنى فيه مقدرش احدد حاجة واحدة لان مفيش حاجة مش عجبانى فيه اصلا بس اكتر حاجة بتعجبنى فيه صراحتو وغيرتو و خوفو عليا
3-اللى عجبو فيا بساطتى وصراحتى
4-اللى بيضايقنى منه غيرتو ساعات بتكون زيادة وكمان هوة برج الاسد يعنى اتق شر الحليم اذا غضب

ميرسى ليك وبجد لعبة جامدة موووووووت

~~RUBY~~

1انا بحب اكيد

2 اللى عاجبنى فيه حنين قوى وطيب قوى وبصراحه مفيش حاجه فيه مش عجبانى
واللى عاجبه هو فيا بجد مش عارفه

3 اللى بيضايقنى مفيش هو مبيعملش حاجه تضايقنى انا اللى بضايقه بس ههههههههه

4حبه اكيد من طرفين

5 النصيحه بقى

لروبى
خلى بالك من حبيبك
واوعى يوم تضايقيه
عشان هو حليم وبرج الاسد

وبجد شكرا ليك يا كينج عاللعبه بجد جامده

ميرسى ياجميل ع نصيحتك وبجد انا بحاول اعمل زى ما بتقولى بس الظاهر ان البنات هما اللى بيضيقو الاولاد دلوقتى عشان انا كمان بضايقو ساعات وهوة عمروماعمل حاجة تضايقنى بس والله من غير قصد وبعدين بصراحة هوة بيبقا حلواوى وهوة متعصب ههههههههههههههه..وانا كمان بنصحك بنفس نصيحتك ليا واقولك حاولى متضايقهوش

~~RUBY~~

ميرسى لنصيحتك يا روبى

انتى بتحبى؟؟؟
نعم بحب رغم الانفصال اكتر من سنتين

اية اللى عاجبنى فحبييبى؟؟
انة حنين قوى قوى قوى

اية اللى عاجب حبيبك فيكى؟؟
هو كان ديما يقولى طيبتى

اية اللى بيضايقنى منة؟؟
انة بكون عارف اللى فيها برضو بزعل

حبك دة من طرف واحد؟؟
قبل كدة مكنش من طرف واحد
بس بعد الانفصال اظن بردوا انة فاكرنى زى مانا فاكرة حتى الان

احب اديى نصحة اى نفسى اقولها متبقيش متفائلة قوى كدة ممكن مبيقاش ليكى

ميرسى لمرورك للعبه يا كوكى
هو مفيش د هايلعب تانى ولا ايه
جبرت
محدش بيحب من تحت لتحت
من تحت الطربيزه
ههههههههههههههههههههههه
شكرا لمرور الجميع
واتمنى تكون اللعبه عجبتكم